Arraun Lagunak Euskotren Liga irabazi du gaur goizean Zarautzen, bere historian bigarren aldiz. Eta modu ikusgarrian egin du, Juan Mari Etxaberen neskek euren bosgarren bandera denboraldian eskuratu baitute, ez nolanahikoa, Zarauzko Ikurriña. Eguneko garaipena, ordea, Donostiarrarentzat izan da, azken txanpa bikain batekin atzoko Arraun Lagunaken aldea ia berdintzea lortu baitu, azken uneetan eusten jakinda. Denboraldia hasi zenean ez zeuden baztertuta, baina denboraldi aurreko emaitzak ikusita faboritoak ez ziruditen. Urtean zehar ikusitakoa kontuan hartuta, argi geratu da dena neurtua zegoela eta testak horretarako direla, proba soilak, denboraldia ahalik eta modurik onenean aurre egiteko, eta denboraldi honek haientzat historikoa izan da.
